Minista blong Jastis mo Komiuniti Seves, Esmon Esai Saimon I lonjem long wik ya Corporate plan blong Ministi blong Jastis mo Komiuniti Seves blong yia ya 2022 kasem 2026.

Bifo Minista Saimon I lonjem plan ya, hemi talem se Ministri blong Jastis mo Komiuniti Seves ibin ko tru long plante jalenj, be Ministri ya I setap blong meintenem ol raet mo fridom blong ol pipol mo provaedem seves iko long ol pipol blong Vanuatu.

Hemi talem tu se Vanuatu I ratifaem finis plante long ol United Nation convention mo blong karemaot ol wok ya hemi impotan blong Ministri blong Jastis mo Komiuniti Seves I mas kat wan Corporate Plan blong guidem hem long ol wok blong hem.

Long lonjing seremoni ya, Daerekta Jenerol blong Ministri blong Jastis mo Komiuniti Seves, Arthur Faerua, italem se Corporate Plan ya hemi olsem wan map.

Hemi talem se ating map ya hemi no perfect map, be hemi wan current map blong current situation we ministri istap long hem.

DG Faerua, I mekem wan kol iko long olketa agency we oli stap anda long MOJCS blong luk tru long map ya mo faenem spes blong olketa insaed long map ya, faenem spes blong ol narafala agency mo faenem hao nao evriwan I save navigate tuketa long period blong map ya.

Hemi askem tu evri agency we oli stap wok anda long MOJCS blong oli mas communicate, share, participate, implement, apply, take stock, monitor mo evaluatem ol wok we evri wan istap mekem long period blong Corporate plan ya.

Evri agency anda long MOJCS oli bin stap tuketa blong selebretem lonj blong Corporate Plan ya.